Opus 281/ 1985
In Politik und Werbung wird willentlich gelogen, da
werden die schrecklichsten Dinge schöngeredet und die hoffungsvollsten
verleumdet. Die wunderbare menschliche Sprache wird so zu einem schmutzigen
Werkzeug für Niedertracht und Machtstreben.
Mia mengma koi Phrasn hean,
mia hamma scho ghead gnua!
Sads endle schdaad mit enkam Schmaatz,
lossts uns damit in Ruah!
Lossts uns damit in Ruah!
Wennts es des Wort „Freiheit“ sogts,
wiads ma jeds Moi schlecht.
Waa mia samma grod wia Karpfn heit
und frei sand heit grod d Hecht.
Frei sei woima fraale und
Freiheit bedeit uns vaej.
Doch enka bluats Monopoly
is a greisslichs
Gschpaej...
Nennts bitte ned Gerechtigkeit,
wos aus de Grichta kimmt!
Waa s Recht wiad bogn, grod wiadses brauchts,
s Recht ghead dem, dea bestimmt!
Obwoih scho oissen voigschtopft is
mit Atomraketn,
nennts ees den Wahnsinn „Sicherheit“,
ja, wenn ma die nua hättnd!
Und mit de scheena Fortschrittsphrasn
habts uns lang ausgschmiad!
Doch langsam gschpannt da Dümma aa,
wo uns des hifüaht.