Mia sand koi Hintawaidla

Opus 268/ 1984

 

Das traditionelle Selbstverständnis der Waldler, wie in  Opus 232 formuliert, ist schwer am schwinden. Heute ist eine der größten Sorgen der Waldler, nicht als Hinterwaldler zu gelten. Darum bemühen sich viele es den Flachländlern und Großstädtern an modernen Verrücktheiten mindestens gleich zu tun, ja, sie wenn möglich noch zu übertreffen.

 

Mia sand koi Hintawaidla

und gehma kaum in Woid.

Im Fernsehn, do kimmt „Dallas“

und im Woid is naß und koit.

Mia zupf ma nimma Hoiwa,

Sauane Suppn? Eß ma nia!

Mia kaaffand ois beim Aldi ei

und tringand Büchsnbia!

 

Mia sand koi Hintawaidla

und Haisl doa ma bau,

nachm Baywa - Katalog

und nach da Modnschau.

Mia sand koi Hintawaidla,

mia geh ma mit da Zeit,

mia fahr ma ois mitm Auto

ob s nah is oda weit.

 

Mia sand koi Hintawaidla

und doand gean Schtraßn tean.

Fraale, sand oft d Baam im We,

doch die paar kimma entbeahn!

Mia hau ma s oite Glump aus,

und mochand oissen nei,

die allaneiste Mode

kann fia uns ned praejt gnua sei..!