Opus 238/ 1983
Dieses Lied hätte ich mir verkneifen sollen, zeigt es doch, so eine
Zuhörerin nach einem Konzert, dass ich trotz aller ökologisch und poltisch richtigen
Aussagen in meinen Liedern, eben doch ein überheblicher Mann sei, der die
weibliche Geschwätzigkeit verhöhne, wie der letzte Matscho. Zudem sei das Lied
streckenweise richtig fies.
Dieses Urteil schmerzte und auch meine wortreichen Hinweise auf die
Mehrschichtigkeit des Liedes konnten das Urteil jener Frau nicht abmildern.
Mann:
Kannstan ned schdaadsei?
Muaßt owei blewan?
Duadan dia vom Blewan ned langsam dei Goschn weh?
Kannstan ned schdaadsei?
Muaßt owei blewan?
So wiast das du treibst, so is nimma schee!
I hoits ned aus meah, i
dapacks ned,
i gschpia wia ma mei Bluatdruck wieda schuisst in d Heh!
A so a Kreiz!
Kannstan ned schdaadsei?
Muaßt owei schnodan?
Wei, liabs Weib, gib hoid amoi a Ruah!
I traam fei oft scho vo am Drahra,
vo am Knepfal, wo ma bei dia an Ton draht zua.
Nix passt da, muaßt owei brogln,
owei mampsn, owei sossn, i hob langsam gnua!
A so a Kreiz!
Frau:
Ea kann ned zuahörn, muaß owei glotzn,
wenna hoamkimmt vo da Oawat
schoit da an Fernseha ei.
Ea kann ned zuahean, muaß owei glotzn,
jeda Bledsinn is eahm wichtiga
ois wia sei Wei.
I wia no narresch, wead
woih no abhau,
dann waar des Trauagspaej endle vobei!
A so a Kreiz!
Mann:
Iah is einfach goa nix heilig,
weda mei Sportschau
noch a spannenda Cowboyfilm,
sie schmatzt vo de Nachbarn und vo iahm Dokta,
wenne in Gedankn in Bonanza bin,
und wenn Sechzge endle a Tor schuißt,
dann schtehts ma gwiß wieda im Baejtl drinn...!
A so a Kreiz!
Frau:
Ea kann ned zuahean, muaß owei glotzn,
und friahra wars, man glaubts ned,
so a guata Mo.
Ea kann ned zuahean, muaß owei glotzn!
Mei, wos hamma mia ned
oisse mitananda do?
Doch wennen heit a so oschau,
is an eahm übahaupts nix bsondas dro...
A so a Kreiz!
Mann:
Hea aaf zum Schimpfa, hea aaf zum Keifa!
Und schoffme dennast ned owei grod umanand!
Und dei Freindin kanne ned aussteh!
Des is des allabesa Hex im ganzn Land!
I mecht dahoam grod a wenig mei Ruah hom,
doch da wiad ghusst und ausgricht
- es is a Schand!
Und dabei ware mit dia stocknarresch!
Du host ma saejmois d Phantasie ogregt!
Doch bei deine Lockenwiggla
hodse mei Begeisterung scho ziemle glegt.
Di gfaabtn Hoor, die routn Negl,
dei Raucha und dei Goschn – naa, des moge ned!
A so a Kreiz!
Frau:
Ach Mo, du kannst geng mi so gschead sei!
Grod bei junge Weiba, da drahst aaf und strahlst und lochst!
Da übaschlogst de und zuigst an Bauch ei
und gspannst ned wiast de du dabei zum Kaschpal mogst,
da kannst aaf oamoi goa Kavalia sa,
währends dahoam grod wia a Aff owei voam Fernseh hockst!
A so a Kreiz!