Opus 186/ 1981
Etwas
schützen, in dem man mit seiner Zerstörung droht, diese perverse Militärdoktrin
hat mich rasend gemacht.
I sogs enk Leit: Raketn
sand nix fia unsa Land!
Und Soidatn und Kadettn
de setzns east in Brand!
Wer heit sei Hoamat schützn waej
und schuißt mit Atomkanonen,
dea mochts damit zum Angriffszaej,
kann niamois mehr drinn wohnen.
Drum meaß ma uns, s is hechste Zeit,
von dem Wahnsinnszeig befrein,
aa wenn d Waffnfabrikantn
und eahrane Kaschpal schrein.
Mia samma nimma länga Schachfiguan
und koa Neutronenfuada!
Mia mecht ma grod in Friedn lem,
drum schleichts enk do vom Ruada!
Wenn uns a Feind ebbs odoa mecht,
dann weama am End scho kämpfa.
Doch oans is gwiß - ohne Saejbstzerstörung
kriagta vo uns sein Dämpfa!