Opus
164/ 1980
„Was verboten
ist, das macht uns grade scharf!“, sang Wolf Biermann und jeder, der den Leuten
zuschaut, kann sich von der Wahrheit dieser Feststellung überzeugen. Oft bekommt
man von den Leuten nur was man will, wenn man zuvor das Gegenteil einfordert.
Am End gibt se des no ganz vo alloa,
d Leit mengt hoid am Liaban s Vobotene doa.
Vopflichts an jedn zum Fernsehschau,
zum Saffa und zum Kaugummikau!
Volangts, dass jeda tägle fuchzg Zigrettn raucht
und a grouße Bigsn Keapaschpray vobraucht.
Zwingts an jedn zum Kaffa
und d Generäle zum Raffa!
Und d Aejtan zum Kindaschlong
und zum Schtreitn scho am niachtan Mong.
Schpiats d Woahrad ei in a Kistn
und treibts d Leit aaf d Schipistn!
Und es kannt goa ned schon,
vobiets aaf da Schtraß des langsame Fohn.
Schoffts de Manna s Autowoschn
und de Fraun s Oschmian vo ehrana Goschn.
Und jeda muaß Lottoschpaejn!
Und jeda Hund hod zum Baejn!
Vobietets s Denga und s Lesn
und jede vonünftige Thesn.
Zwingts d Leit zum Reisn und Fluing
und zum Bledschau und zum Luing!
Volangts, dass d Leit sich voifressn
und d Schteian weand dann nach Gwicht gmessn.
Und wea ned geht am Fuaßboiplotz
- den hots!