Opus 159/ 1980
Die
Zeitungsmeldungen eines Tages reichten aus zum Verzweifeln! Es läuft soviel
verkehrt, in diesem Land, in dieser Welt! Nicht nur, dass die Soldaterei noch
immer nicht geächtet ist, nein, der militärische Wahnsinn treibt immer neue
Blüten! Und noch immer geben Mütter ihre Söhne dafür her!
Und das Gefasel
von Freiheit und Menschenrechten! Soviel Lüge, soviel Betrug! Und das
scheinheilige Pochen auf Verfassungstreue! Die am lautesten schreien, haben
nie Achtung davor gezeigt und das Grundgesetz zigfach geändert und verwässert!
Es ist wie immer, die Brandstifter schreien am lautesten nach der Feuerwehr!
Gehts Leit, loßts enk dennast ned ois gfoin!
Loßts enk ned vohoizn und ned okoihn!
Wea Soidatn hom waej, soi se saejba oi mocha!
Ned mit unsane Kinda sei Kriagsuppn kocha!
Achtzehn Johr host dei Kind pflegt und gschützt,
grod dafür, dassasse in an Panza eisitzt?
Aaf Barrikadn waast ganga, häd eahm friahra ebba ebbs do,
owa da Kriagsminista, ja dea kriagtn scho...
Hom die zwoa Waejdkriag zum Lerna ned glangd?
Wea heit permanent nach mehr Rüstung volangt,
vodeat an dem Gschpaej oda is ziemle beschränkt,
und vodeat ned, dass ma eahm Votrauen schenkt!
Meaßma im Parlament amoi gscheid lüftn,
waa se Politika duat gengseite vogiftn,
und eah an Fraktionszwang um d Goschn hau
und amoi nach da oitn Vofassung schau!
Mei, wos hom s mit dera ned scho ois gmocht!
Vowassad, zrechtgschtutzlt, des waar ja glocht,
wennses ned no ganz aafoabatn kanntnd
und ned owei wieda a Lo fürs Brecheisn fandnd.
Menschnrechte kennans aa grod a poor
und die suachands woandas, wia in da Suppn a Haar.
Und dahoam geht ois drunta und drüba,
doch do leierns grod a paar Phrasn drüba.
Jeds Johr wiads bei uns Tausende z dumm,
drum bringand asse direkt oda aaf Ratn um.
Koa Oawat, grod Drucktwean und Hoffnung goa koane,
wea chancenlos is kriagt
koa Chance ad ned oane!
s Faustrecht und Gwoit nennands frech Freiheit,
und d Leit, omei d Leit, weand einfach ned gscheid!
Schpäta weands wieda song: „Mei, mia hom hoid nix gwisst,
und ned gschpannt wia des wieda herganga is..!“