Opus 145/ 1979
Zerscht meassma voa da eigna Tia keahn,
aa wenn des gwisse Herrn ned gean hean,
s Deitn aaf andre is hoid
so beliebt,
waa s ja wirkle gnua zum Deitn gibt…
Hea aaf mit dem Theata!
I dabagg des Geifarad ned.
Du entsetzt de üwa die andan grod,
und übasehgst, wos bei uns abgeht.
Du hoißt die andan Teife
und voa uns schpringand die Heandladn umanand.
Bevor ma aaf andre deitn,
meassma für Recht erst soang im eigna Land.
Doch s eigane Gschtank schtinkt ned,
so kannt ma wenigstns moana.
Du redst vo Tränen in da Ferne
-ja heast vo da Tüa d Leit ned woana?
Üban Hunga in Afrika jamman
und drimma Wampn umananda zaahn.
Des passt ned, da brauchst de ned wundan,
wenn die Oama eahrane Aung vodraahn.