Opus 131/ 1979
Es is ois gfread,
es hod koan Wert,
es is ois gfread,
es hod koan Wert,
gfread sand d Weiha,
gfread sand d Kepf
und gfread sand d Heazn.
Do haejft koa Reen,
erst recht koa Schtegga,
do haejft grod woatn
und Geduid.
Irgendwann leinds,
und s Eis des bricht,
und es blost a woama Wind.
Und in de Kepf
und in de Herzn?
do leints oft aa unverhofft,
a wenig a Sunn,
a woama Wind,
a wenig a Hoffnung.